Vasil Naçi

Vasil Naçi është një nga sipërmarrësit më të njohur shqiptarë, Themelues, President dhe CEO i Agna Group, autor librash, folës motivues dhe filantrop, me mbi 35 vite përvojë në biznes dhe lidership.

Rrugëtimin e tij sipërmarrës e nisi në vitin 1991, duke ndërtuar ndër vite një grup biznesesh që operojnë në Shqipëri dhe jashtë saj. Ai ka themeluar dhe është aksioner në mbi 15 kompani, ndërsa Agna Group është konsoliduar si një nga grupet kryesore në sektorin e distribucionit dhe produkteve të konsumit të shpejtë (FMCG) në Shqipëri, me mbi 1,500 të punësuar.

I diplomuar për Financë në Universitetin Bujqësor të Tiranës dhe me një Master në Administrim Biznesi (MBA) nga University of New York in Prague, Vasil Naçi ka investuar vazhdimisht në zhvillimin profesional, duke ndjekur programe ndërkombëtare në lidership, menaxhim, marketing dhe strategji biznesi.

Përtej sipërmarrjes, ai është themelues dhe Kryetar i Bordit Drejtues të AGNA Leadership Academy, përmes së cilës ndan njohuritë dhe përvojën e tij me sipërmarrës, drejtues biznesesh dhe profesionistë. Është autor dhe bashkautor i 11 librave mbi suksesin, lidershipin, komunikimin dhe zhvillimin personal e profesional.

Si ideator i programeve “Rruga Drejt Suksesit” dhe “Mjeshtëro Biznesin”, ai ka kontribuar në edukimin dhe motivimin e mijëra pjesëmarrësve, duke promovuar një kulturë të bazuar në vlera, disiplinë, zhvillim të vazhdueshëm dhe mendësi sipërmarrëse.

Përmes përvojës së tij në ndërtimin dhe drejtimin e bizneseve, Vasil Naçi sjell një perspektivë praktike mbi lidershipin, vendimmarrjen strategjike dhe krijimin e organizatave të qëndrueshme, me vizion për rritje afatgjatë.