Bashkëthemeluese & CEO, Senseven Health
Eva Gjoni
Eva Gjoni kthen eksperiencën e saj prej mbi 15 vitesh në psikoterapi, shkencë dhe akademi në zhvillimin e teknologjive që synojnë ta bëjnë mendjen njerëzore më të kuptueshme, të matshme dhe të parashikueshme. Me eksperiencë klinike dhe akademike, përfshirë punën në Charité Berlin, ajo e ka ndërtuar rrugëtimin e saj në kryqëzimin mes shkencës, teknologjisë dhe ndikimit shoqëror. Sot ajo udhëheq Senseven Health, një startup me bazë në Berlin që po zhvillon teknologji të biomarkerëve të zërit për ta bërë gjendjen mendore objektivisht të matshme dhe të parashikueshme në kohë reale. Duke kombinuar psikologjinë, inteligjencën artificiale dhe modele të reja të kujdesit shëndetësor, Eva po punon për ta kthyer shëndetin mendor nga një sistem reaktiv në një sistem parandalues dhe zerin nga nje mjet komunikimi ne një shtresë të re inteligjence me potencial përtej shëndetësisë dhe longevity drejt ndërveprimi njeri-teknologji dhe sistemet inteligjente të së ardhmes
EVA GJONI
ÇFARË E BËN KËTË FOLËS TË VEÇANTË?
• Një profil multidisiplinar që bashkon shkencën, psikologjinë, teknologjinë dhe biznesin, duke i kthyer disiplinat që zakonisht qëndrojnë të ndara në një vizion të vetëm.
• Një rrugëtim që sfidon kufijtë profesionalë, gjeografikë dhe të industries, me një mentalitet “bias to action” që e kthen dijen në zgjidhje dhe teknologji reale.
• Një shembull i një brezi të ri liderësh shqiptarë që konkurrojnë globalisht pa humbur lidhjen me rrënjët dhe përgjegjësinë për të krijuar vlerë përtej vetes.
• Një zë aktiv i diasporës që ndërton ura reale mes inovacionit, komunitetit shqiptar global dhe zhvillimit të ardhshëm të Shqipërisë.
SI MUND TË PËRFITOJË AUDIENCA NGA KY FOLËS:
• Të kuptojë si inteligjenca artificiale po transformon jo vetëm shëndetësinë, por edhe mënyrën si ndërtohen bizneset, teknologjitë dhe ndërveprimet njerëzore të së ardhmes.
• Të zbulojë një perspektivë të re dhe intriguese: si zëri mund të evoluojë nga një mjet komunikimi në një parametër vital dhe një shtresë të re inteligjence që ndihmon në kuptimin e mendjes njerëzore në kohë reale.
• Të fitojë një perspektivë konkrete mbi mënyrën si një ide shkencore mund të shndërrohet në produkt, partneritete dhe ndikim global.
• Të frymëzohet nga një rrugëtim që sfidon kufijtë tradicionalë te rolit, vendit dhe profesionit.
• Të kuptojë potencialin real të diasporës si një urë për transferim njohurish, bashkëpunime strategjike dhe zhvillim afatgjatë të Shqipërisë
