Zëvendësministre e Ekonomisë dhe Inovacionit, Shqipëri
Olta Manjani
Me një profil të spikatur në akademi, ekonomi, financë dhe politika publike, Dr. Olta Manjani, aktualisht Zëvendësministre e Ekonomisë dhe Inovacionit, sjell një kombinim unik të eksperiencës institucionale dhe ndërkombëtare. Me një karrierë të gjatë të ndërtuar në Bankën e Shqipërisë, me disa publikime në fushën e ekonomisë dhe me vite angazhimi në nivelet më të larta të qeverisjes ekonomike në Shqipëri, ajo kontribuon aktivisht në zhvillimin e politikave ekonomike, inovacionit dhe bashkëpunimit ndërkombëtar duke marrë pjesë edhe në aktivitete të ndryshme ku fokusi është ekonomia dhe ndërveprimi. Ekspertiza e saj në financë, bankë dhe ekonomi e bën një nga zërat më të rëndësishëm në Shqipëri por edhe një nga shembujt e profesionalizmit në nivel ndërkombëtar.
OLTA MANJANI
ÇFARË E BËN KËTË FOLËS TË VEÇANTË?
Ekspertizë e thellë në ekonomi dhe financë: Mbi një dekadë eksperiencë në Bankën e Shqipërisë dhe në hartimin e politikave ekonomike.
Përvojë qeverisëse dhe institucionale: Me eksperiencë në role drejtuese si Zëvendësministre e Financave dhe Ekonomisë dhe Zëvendësministre e Ekonomisë, Kulturës dhe Inovacionit.
Formim akademik ndërkombëtar: Studime, publikime dhe specializime në SHBA, Itali, Zvicër dhe institucione prestigjioze si IMF, Bundesbank dhe Federal Reserve Bank of New York.
Qasje analitike dhe strategjike: Autoritet në analizën e çështjeve të financës dhe zhvillimit ekonomik.E specializuar në mardhënie ndërkombëtare dhe strategjike.
Komunikim dhe perspektivë globale: Eksperiencë ndërkombëtare akademike dhe profesionale me aftësi për të ndërtuar ura bashkëpunimi ndërmjet institucioneve dhe sektorit privat. Njohëse e disa gjuhëve të huaja dhe e komunikimit ndërkulturor.
SI MUND TË PËRFITOJË AUDIENCA NGA KY FOLËS:
Dr. Olta Manjani, si eksperte e fushës së ekonomisë sjell një perspektivë të qartë mbi zhvillimin, inovacionin dhe rolin e politikave publike në mbështetjen e sipërmarrjes dhe investimeve. Audienca do të përfitojë nga eksperienca e saj konkrete në institucione akademike, financiare dhe qeveritare, si dhe nga qasja e saj strategjike mbi sfidat dhe mundësitë e ekonomisë shqiptare në një kontekst ndërkombëtar.
