Bashkë-Drejtor Ekzekutiv, Germin
Lirim Krasniqi
Me një eksperiencë të konsoliduar në angazhimin e diasporës, zhvillimin e politikave publike dhe ndërtimin e rrjeteve bashkëpunuese ndërmjet institucioneve dhe komuniteteve shqiptare në botë, Lirim Krasniqi është një nga zërat më të njohur në fushën e diasporës shqiptare. Si Bashkë-Drejtor Ekzekutiv i GERMIN që nga viti 2020, ai ka udhëhequr iniciativa që lidhin profesionistë, sipërmarrës, akademikë dhe investitorë shqiptarë me vendet e origjinës, duke nxitur transferimin e njohurive, inovacionin dhe zhvillimin ekonomik.
LIRIM KRASNIQI
ÇFARË E BËN KËTË FOLËS TË VEÇANTË?
Ekspertizë në angazhimin e diasporës: Përvojë e gjerë në krijimin dhe menaxhimin e programeve që forcojnë lidhjet mes diasporës dhe institucioneve në Ballkanin Perëndimor.
Vizion strategjik për zhvillimin ekonomik: Fokus në rolin e diasporës si katalizator për investime, inovacion dhe shkëmbim njohurish, edhe falë studimeve me specializim në Politikë Krahasuese dhe Ekonomi Politike
Përvojë ndërkombëtare në politika dhe kërkim: Hulumtues dhe autor i analizave dhe raporteve për organizata prestigjioze ndërkombëtare si Bashkimi Evropian, USAID, GIZ, UNDP dhe ICMPD.
Ndërtues i rrjeteve profesionale: Ka kontribuar në krijimin e platformave dhe programeve që lidhin ekspertë, akademikë dhe sipërmarrës shqiptarë në nivel global.
Zë aktiv në avokimin e bashkëpunimeve: I ftuar shpesh si panelist, opinionist apo progtagonist në evente rajonale dhe ndërkombërare ai ndikon në ndërtimin e modeleve bashkëpunuese dhe rezultateve të qëndrueshme.
SI MUND TË PËRFITOJË AUDIENCA NGA KY FOLËS:
Lirimi sjell perspektiva konkrete mbi mënyrat se si diaspora mund të shndërrohet në një faktor real zhvillimi ekonomik, inovacioni dhe bashkëpunimi ndërkombëtar. Përmes eksperiencës së tij në projekte rajonale dhe globale, ai ofron ide praktike për krijimin e partneriteteve të qëndrueshme, aktivizimin e kapitalit njerëzor dhe ndërtimin e ekosistemeve që lidhin talentin shqiptar kudo në botë me mundësitë e zhvillimit në rajon.
